شروط مداد مصمم.
وش يشمل اشتراكك، وكيف نبني استوديوك، ووش لك ووش علينا.
الاشتراك
- اشتراكك قسمين: تأسيس الاستوديو مرة وحدة، وتشغيل سنوي يبدأ يوم التسليم.
- حساب المنشأة نجهزه نحن ونسلّمك بياناته بطريقة خاصة.
الباقات
| البند | نواة | منشأة | مجموعة |
|---|---|---|---|
| لمن | فرع واحد أو مكتب صغير | شركة تعلن كثير | أكثر من فرع أو علامة |
| تخطيطات الإعلان | ٦ | ١٢ | ٢٠ وأكثر |
| المطبوعات الجاهزة للمطبعة | ٤ | ٨ | حسب الحاجة |
| المستخدمين | ٢ | ٥ | بلا حد |
| رصيد التعديل خلال السنة | ينكتب في عرض السعر، ويكبر مع الباقة | ||
| التعبئة والتصدير | بلا حد | بلا حد | بلا حد |
السعر يوصلك في عرض السعر بعد قراءة طلبك.
كيف نبني استوديوك
- نبدأ بقراءة علامتك: نفهم كيف تتكلم بصريًا، ووش القطع اللي تطلعها فعلًا. هذي الخطوة لكل عميل.
- نكتب خريطة الاستوديو: الأدوات والقطع والحقول. تعتمدها، وعليها نبني.
- نبني الاستوديو بهويتك، ونختبر كل قطعة، ونجرّب المطبوعات في المطبعة.
- تراجع الاستوديو على قطع حقيقية في جولتين. والجولة الثالثة برسوم.
- مدة البناء تنكتب في عرض السعر، وتبدأ من اكتمال ملفاتك.
- إذا ما وصلنا ردك خلال ١٠ أيام عمل من تسليم جولة، تعتبر معتمدة.
- طلبات التعديل بعد التسليم من داخل حسابك، وتنحسب من رصيد التعديل في باقتك.
إذا ما عندك هوية كاملة
- عندك شعار بس: نبني لك نواة الهوية أول (الألوان ونظام الخط والنمط)، وبعدها الاستوديو.
- ما عندك هوية: نبنيها لك كاملة، والاستوديو آخر مرحلة فيها.
- بناء الهوية بعرض سعر منفصل، وإذا أخذتها مع الاستوديو يكون لك خصم على تأسيسه.
وش اللي ما يدخل في الاشتراك
- تصميم هوية جديدة (لها عرض سعر منفصل).
- التصوير، وكتابة المحتوى التسويقي، وتكلفة الطباعة.
الملكية والاستخدام
- هوية منشأتك ومحتواها (الشعار والصور والنصوص) ملكك.
- الاستوديو وأدواته ملك مداد، ومنشأتك تستخدمه طول مدة اشتراكها.
- الملفات اللي صدّرتها تبقى لك تستخدمها، حتى بعد ما ينتهي اشتراكك.
- ما نستخدم استوديوك ولا محتواك لعميل ثاني، وما نعرض تصاميمك في أعمالنا إلا بموافقتك المكتوبة.
الدفع
- التأسيس: نصه مقدم، ونصه عند التسليم.
- التشغيل السنوي: مقدم عن السنة كاملة.
- الأسعار نهائية، وما عليها ضريبة القيمة المضافة لأن مداد غير مسجل فيها حاليًا. وإذا تسجّل، نبلغك قبل أي فاتورة جديدة.
التجديد
- نذكّرك قبل نهاية اشتراكك بـ ٣٠ يوم.
- التجديد بسعر التشغيل السنوي، بدون تأسيس.
- رصيد التعديل اللي ما استخدمته ما ينتقل للسنة الجاية.
انتهاء الاشتراك أو إيقافه
- لو ما تجدد الاشتراك، يتوقف دخول حساب منشأتك.
- نحتفظ باستوديوك ٩٠ يوم بعد الانتهاء، ولو جددت خلالها يرجع لك كما هو.
- لنا حق نوقف الحساب لو انستخدم في محتوى مخالف للأنظمة، أو انشارك خارج المنشأة.
الاسترجاع
- قبل ما نبدأ قراءة العلامة: نرجع لك المبلغ كامل.
- بعد ما نبدأ وقبل التسليم: نرجع لك نص التأسيس.
- بعد التسليم: ما فيه استرجاع للسنة الحالية.
التواصل والدعم
الدعم بالبريد: رد على أي بريد يوصلك من مداد، ونرد عليك في أيام العمل.
آخر تحديث: ١٦ نوفمبر ٢٠٢٦